दशैं अवधिभर कारवाहीमा १६९८ सवारी साधन, १० लाख बढी राजश्व संंकलन

चितवन / दसैंको अवधिमा चितवनमा १ हजार ६९८ सवारी साधन कारवाहीमा परेका छन् । ट्राफिक नियम पालना नगरेका १ हजार ६९८ सवारी साधनलाई कारबाही गरिएको ट्राफिक प्रहरी कार्यालय चितवनले जनाएको छ ।
ट्राफिक प्रहरी कार्यालय चितवनका अनुसार मादक पदार्थ सेवन गरेका, बढी यात्रु राख्ने, भाडा बढी लिने, ट्राफिक नियम पालना नगर्ने, कागजपत्र नभएका सवारी साधनलाई कारबाही गरिएको हो ।
कार्यालयले कारवाहीमा एक हजार १२३ सवारी साधन साधनलाई जरिवाना गरिएको छ । पाँच सय ७५ सवारी साधनलाई पनि कारबाही गरेर छोडिएको छ । कारबाहीमा परेका सवारी साधनबाट १० लाख २२ हजार ५ सय राजश्व संकलन भएको छ ।
दसैंको मौका छोपी यात्रुसँग बढी भाडा लिने ८ सवारी साधनलाई पनि कारबाही गरिएको छ । ती सवारी साधनबाट ११ हजार राजश्व संकलन भएको कार्यालयले जनाएको छ भने बढी भाडा तिरेका २९ जना यात्रुको ३ हजार २५ रुपैयाँ फिर्ता गरिएको छ ।