नेकपा एकीकृत समाजवादीले पायो ‘कलम’ निर्वाचन चिन्ह

मकवानपुर / पूर्व प्रधानमन्त्री माधव नेपालले नेतृत्व गरेको नेकपा एकीकृत समाजवादीले निर्वाचन चिन्ह ‘कलम’ प्राप्त गरेको छ ।
एकीकृत समाजवादी र नेपाल कम्युनिष्ट पार्टी (एकीकृत) ले गत असोज २४ गते एकीकरणका विषयमा दिएको निवेदनका आधारमा निर्वाचन आयोगले मंगलबारको निर्णयअनुसार निर्वाचन चिन्ह प्रदान गरेको हो ।
पार्टीले प्रस्ताव गरेअनुसार रातो भुइँमा बायाँ भागको माथिल्लो कुनामा सेतो रङ्गको हँसिया र हथौडा खप्टिएको चिन्ह अंंकित झण्डा पनि आयोगले प्रदान गरेको छ ।
राजनीतिक दलसम्बन्धी ऐन, २०७३ को दफा १० को उपदफा (७) बमोजिम आयोगमा दल दर्ता नम्बर १६३ मा दर्ता रहेको नेकपा (एकीकृत) नामक राजनीति दलको नाम र झण्डा अन्य कुनै दलले प्रयोग गर्न नपाउने पनि आयोगले जनाएको छ ।