रत्ननगर नगरपालिकामा थपिए २२८७ मतदाता 

रत्ननगर / चितवनको रत्ननगर नगरपालिकाका दुई हजार २८७ जना नयाँ मतदाता थपिएका छन् । सो नगरपालिकामा पुस ४ गते देखि १८ गते सम्म फोटो सहितको मतदाता नामाबली संकलन गरिएको थियो ।
पुरुष १ हजार १८५ र महिला १ हजार १०२ गरी दुई हजार २८७ जना नयाँ मतदाता थपिएको नगरपालिकाकी प्रशासन शाखा अधिकृत उर्मिला दाहालले जानकारी दिइन ।
चितवनका सातवटा पालिकामा १८ हजार बढी नयाँ मतदाता थपिएको जिल्ला निर्वाचन कार्यालयले जनाएको छ । कार्यालयका अनुसार कार्तिक मसान्त सम्म चितवनमा तीन लाख ७८ हजार ७२१ मतदाता संख्या रहेको थियो ।