चितवनमा चार अर्ब ७२ करोड २१ लाख बजेट विनियोजन

चितवन / संघीय सरकारले आगामी आर्थिक वर्ष ०७९/०८० का लागि चितवनका सात स्थानीय तहलाई जम्मा चार अर्ब ७२ करोड २१ लाख बजेट विनियोजन गरेको छ । जसमा समानीकरण अनुदानमार्फत एक अर्ब ५० करोड तीन लाख, सशर्त अनुदानमार्फत दुई अर्ब ९५ करोड ३० लाख, विशेष अनुदान मार्फत १८ करोड २८ लाख र समपुरक अनुदानमार्फत आठ करोड ६० लाख विनियिजन गरेको छ ।
कुन पालिकाले कति ?
सरकारबाट चितवनको भरतपुर महानगरपालिकाले एक अर्ब ८० करोड २४ लाख अनुदान बजेट प्राप्त गरेको छ । आगामी आर्थिक वर्षका लागि महानगरले उक्त आकारको बजेट पाएको हो ।
भरतपुरले चालु आर्थिक वर्ष ०७८÷७९ को भन्दा आगामी आवका लागि १५ करोड ९६ लाख रुपैयाँ बढी अनुदान बजेट पाएको हो । चालु आर्थिक वर्षमा भरतपुरके एक अर्ब ६४ करोड २८ लाख रुपैयाँ बजेट पाएको थियो ।
भरतपुरले समानीकरण अनुदानमा ५१ करोड ५९ लाख पाएको छ । यस्तै सशर्तमा एक अर्व २२ करोड ४५ लाख, विशेष अनुदानमा दुई करोड ५० लाख र तीन करोड ६० लाख करोड ८ लाख रुपैयाँ पाएको छ ।
चितवनको रत्ननगर नगरपालिकाले ५९ करोड ७२ लाख अनुदान बजेट प्राप्त गरेको छ । रत्ननगरले समानीकरण अनुदानमा २० करोड ९६ लाख, सशर्तमा ३३ करोड ७६ लाख र बिशेषमा पाँच करोड पाएको छ ।
यस्तै कालिका नगरपालिकाले ४० करोड ९८ लाख अनुदान बजेट पाएको छ । जसमा समानीकरण अनुदान १५ करोड ५६ लाख, सशर्त अनुदान २३ करोड ४२ लाख, बिशेष अनुदान एक करोड र समपुरक अनुदान एक करोड रहेको छ ।
खैरहनी नगरपालिकाले ४८ करोड ८ लाख बजेट प्राप्त गरेको छ । जसमा समानीकरण अनुदान १८ करोड १८ लाख, सशर्त अनुदान २५ करोड १२ लाख, बिशेष अनुदान तीन करोड ५८ लाख र समपुरक अनुदान एक करोड २० लाख रहेको छ ।
माडी नगरपालिकाको लागि ४९ करोड ६० लाख बजेट विनियोजन भएको छ । जसमा समानीकरण अनुदान १३ करोड ९२ लाख, सशर्त अनुदान ३१ करोड ९८ लाख, बिशेष अनुदान दुई करोड ५० लाख र समपुरक अनुदान एक करोड २० लाख रहेको छ ।
राप्ती नगरपालिकाले आगामी आर्थिक वर्षका लागि ५५ करोड ५९ लाख बजेट प्राप्त गरेको छ । राप्तीले समानीकरण अनुदान १८ करोड ५३ लाख, सशर्त अनुदान ३४ करोड २६ लाख, बिशेष अनुदान दुई करोड र समपुरक अनुदान ८० लाख पाएको छ ।
चितवनको एक मात्र गाउँपालिका इच्छाकामना गाउँपालिकाका लागि ३८ करोड बजेट विनियोजन भएको छ । जसमा समानीकरण अनुदान ११ करोड १९ लाख, सशर्त अनुदान २४ करोड ३१ लाख, बिशेष अनुदान एक करोड ७० लाख र समपुरक अनुदान ८० लाख रहेको छ ।