चितवनको पुरानो मेडिकल कलेज अगाडि मान्छेको टाउको फेला

चितवन / चितवनको पुरानो मेडिकल कलेज अगाडि आज (शुक्रबार) बिहान मान्छेको टाउको फेला परेको छ । मेडिकल कलेज अगाडि मान्छेको टाउको भेटिएपछि स्थानीयले प्रहरीलाई खबर गरेका थिए ।
टाउकोको प्रकृति हेर्दा फोरेन्सिक (पोष्टमाटम) का लागि प्रयोग भएको जस्तो देखिएको जिल्ला प्रहरी कार्यालय चितवनका डिएसपी रविन विष्टले जानकारी दिए ।
उहाँका अनुसार मान्छेको टाउको कुकुरले सडक छेउसम्म ल्याएको हुनसक्ने अनुमान गरिएको छ । सो बारे थप अनुसन्धान भइरहेको छ भने टाउको भरतपुर अस्पतालको शवगृहमा राखिएको छ । भरतपुर अस्पतालका सूचना अधिकारी गोपाल पौडेलले टाउको पुरुष व्यक्तिको भएको बताए ।
पुरानो मेडिकल कलेजले मान्छेको मृत शरिरको परीक्षण अध्ययन गर्दै आइरहेको छ । पुरानो मेडिकल कलेजको लापरवाहीका कारण नै मान्छेको टाउको सडकमा ल्याइपु¥याएको आरोप लागेको छ । अस्पतालका डा. राजेश यादवले फोरेन्सिकका डाक्टरहरुसँग यसबारे थप सोधपुछ भइरहेको बताए ।