भरतपुर आसपासका यी क्षेत्रमा विद्युत अवरुद्ध हुने

चितवन / भरतपुर महानगरपालिकाका विभिन्न क्षेत्रमा दिनभर विद्युत सेवा अवरुद्ध हुने भएको छ । विद्युत प्राधिकरण चनौली वितरण केन्द्रबाट वितरित गीतानगर फिडरमा लाइन अपग्रेड तथा सिफ्टिङ कार्यका लागि आज (शनिबार)  दिनभर विद्युत सेवा बन्द हुने भएको हो ।
भरतपुर २३ जगतपुर बजार र आसपासको क्षेत्रमा बिहान ८ देखि साँझ ५ बजेसम्म सेवा अवरुद्ध हुने केन्द्रले जनाएको छ । काम चाँडै सकिए निर्धारित समय अगावै विद्युत सेवा सुचारु हुने पनि केन्द्रले जनाएको छ ।
यसैबीच लाइन अपग्रेड गर्दा पोल प्रयोग गर्ने टेलिकम तथा इन्टरनेट सेवा प्रदायकहरुलाई यथाशिघ्र तार व्यवस्थापन गर्न पनि आग्रह गरेको छ ।