जंगली हात्तीको आक्रमणबाट एक वृद्धाको मृत्यु

चितवन / जंगली हात्तीको आक्रमणबाट एक महिलाको मृत्यु भएको छ । चितवनको भरतपुर महानगरपालिका २८ मा जंगली हात्तीको आक्रमणबाट एक महिलाको मृत्यु भएको जिल्ला प्रहरी कार्यालय चितवनले जनाएको छ ।
कार्यालयका अनुसार शनिबार राति आँगनमा आगो तापिरहेकी ७० वर्षीया भागीरथी सुवेदीको जंगली हात्तीको आक्रमणबाट मृत्यु भएको हो । हात्तीको आक्रमणबाट उनी गम्भीर घाइते भएको बताइएको छ ।
घाइते सुवेदीको भरतपुर अस्पतालमा उपचारको क्रममा राति साढे १० बजे मृत्यु भएको जिल्ला प्रहरी कार्यालय चितवनका प्रवक्ता डीएसपी विजयराज पण्डितले जानकारी दिए । उनको शव भरतपुर अस्पतालमा पोष्टमार्टमका लागि राखिइएको बताइएको छ ।