भरतपुर । ग्रीन सप्लायर्सले चितवनमा रहेर यसको क्षेत्रमा काम गर्दै आएका प्लम्बर तथा इलेक्ट्रिसियन (प्राविधिक)हरुलाई प्रशिक्षण दिएको छ ।
ग्रीन सप्लायर्सले बिक्री वितरण गर्दै आएको सनटेक हित पम्पको विषयमा सम्बन्धित क्षेत्रमा काम गर्ने व्यक्तिहरुलाई प्रशिक्षण दिइएको हो ।
- ADVERTISEMENT -
चितवनका करिब ६० जना प्राविधिकहरुलाई ग्रीन सप्लायर्सका मेनेजिङ डाइरेक्टर अतिक सल्भानीले सनटेक हिट पम्पको प्रयोग र त्यसका लागि काम गर्दा आवश्यक पर्ने प्राविधिक पाटोको विषयमा जानकारी गराएका थिए ।
तर, यसको प्रयोग गर्न नयाँ निर्माण भएका घर तथा संरचनामा सोहीअनुसार बिजुली बिस्तार आवश्यक पर्ने भएकोले त्यस्ता विषयमा प्राविधिकहरु जानकार हुनुपर्ने हुँदा एक दिवसीय प्रशिक्षण आयोजना गरिएको हो ।
सनटेक हिट पम्प बिजुलीबाट पानी तताउने या चिसो बनाउने मेसिन हो । चितवनजस्तो जिल्लामा जाडोभन्दा गर्मी नै धेरै हुने हुँदा यसको प्रयोग गर्नेहरुले चिसो पानी नै बढी प्रयोग गर्ने गरिएको उनले बताए ।
‘हामीले वस्तुको उत्पादन गरेर बिक्री गर्ने मात्रै उद्देश्य लिएका छैनौँ । सेवा त्योभन्दा मह¤वपूर्ण पाटो हो,’ सल्भानीले भने, ‘त्यसकारण हाम्रो उत्पादनमा जुनसुकै बेला जस्तोसुकै अवस्थामा प्रतिकृया आए पनि सेवा दिनुपर्छ ।
रातको १२ बजे, २ बजे जतिखेर सेवाग्राहीको फोन आउँछ । तत्काल सेवा दिनुपर्छ ।’ प्रशिक्षणका क्रममा व्यक्तिको घर र होटलहरुमा गरिने प्रयोग फरक पर्ने हुँदा घरको संरचना र आवश्यकताअनुसार हिट पम्पको प्रयोग गर्न सकिने समेत उनले बताए ।
नेपालमा सन् २०१८ देखि नै यो प्रविधिको प्रयोग हुँदै आएको छ । तर, चितवनमा भने काठमाडौँबाटै काम भइरहेको थियो । पछिल्लो एक वर्षदेखि भने चितवनबाटै यसको सबै सेवा सुविधा उपलब्ध हुँदै आएको ग्रीन सप्लायर्सको चितवन शाखाका निर्देशक बिक्रम गुरूङले जानकारी दिए ।
प्राविधिक क्षेत्रमा काम गर्ने व्यक्तिहरुलाई सेवाग्राहीको चाहना र आवश्यकताअनुसार काम गर्नको लागि बेलाबेला प्रशिक्षण पनि आवश्यक पर्ने हुँदा तालिम आयोजना गरिएको उनले बताए ।
‘कम्तिमा प्राविधिकलाई सामानको विषयमा राम्रोसँग ज्ञान भयो भने सेवाग्राहीले पनि राम्रोसँग बुझ्न पाउँछन्, बुझेरै सामानको प्रयोग गर्न पाउँछन्,’ उनले भने ।
पानीलाई तातो या चिसो बनाउनको लागि कम्तिमा तीन सय लिटरदेखि धेरैमा आवश्यकताअनुसारको हिट पम्प निर्माण गर्न सकिने उनले बताए । बजारले खोजेअनुसारको हिट पम्प निर्माण गरेर चितवनमा पनि ठूला तारे होटलहरुमा यसको प्रयोग हुँदै आएको उनले बताए ।
