काठमाडौं। डलास स्टेडियममा भएको फिफा विश्वकप २०२६ को पहिलो सेमिफाइनलमा स्पेनले फ्रान्सलाई २–० ले पराजित गर्दै उपाधिनजिक पुगेको छ।
बलियो दाबेदार मानिएको फ्रान्सलाई रणनीतिक रूपमा पूर्ण रूपमा नियन्त्रणमा राख्दै स्पेनले फाइनलमा स्थान सुरक्षित गरेको हो। स्पेनका लागि २२औँ मिनेटमा मिकेल ओयारजाबालले पेनाल्टीमार्फत पहिलो गोल गरे। त्यसपछि ५८औँ मिनेटमा पेड्रो पोरोले अर्को गोल गर्दै अग्रता दोब्बर बनाए।
- ADVERTISEMENT -
त्यसपछि स्पेनले रक्षात्मक रणनीति अपनाउँदै फ्रान्सलाई खेलमा फर्किने कुनै अवसर दिएन। खेलमा स्पेनले ५१ प्रतिशत बल आफ्नो नियन्त्रणमा राख्यो भने फ्रान्सले सात कर्नर पाए पनि त्यसको फाइदा उठाउन सकेन। फ्रान्सका स्टार खेलाडी किलियन एमबाप्पेलाई स्पेनको संगठित रक्षापंक्तिले प्रभावहीन बनायो।
यो जितसँगै स्पेन विश्वकप २०२६ को पहिलो फाइनलिस्ट बनेको छ। अब उसले दोस्रो सेमिफाइनलको विजेता अर्जेन्टिना वा इंग्ल्यान्डसँग उपाधिका लागि प्रतिस्पर्धा गर्नेछ भने फ्रान्सको लगातार तेस्रो विश्वकप फाइनल खेल्ने सपना सेमिफाइनलमै समाप्त भएको छ।
- ADVERTISEMENT -
