चितवन / भरतपुर महानगरपालिका–३, लायन्सचोकस्थित फायर क्लबमा दुई समूहबीच झडप हुँदा चार जना घाइते भएका छन् ।
शुक्रबार राति करिब १ः२० बजे फायर क्लबमा झगडा तथा कुटपिट भइरहेको सूचना प्राप्त भएपछि वडा प्रहरी कार्यालय नारायणगढबाट प्रहरी टोली घटनास्थल पुगेको थियो । घाइतेहरूलाई तत्काल उपचारका लागि नयाँ मेडिकल कलेज, भरतपुर पठाइएको चितवनले प्रहरी जनाएको छ ।
- ADVERTISEMENT -
प्रहरीका अनुसार घटनामा संलग्नमध्ये भरतपुर महानगरपालिका–४ बस्ने ३२ वर्षीय हिमाल रसाइलीलाई नियन्त्रणमा लिएको छ भने अन्य फरार व्यक्तिहरूको खोजी भइरहेको छ ।
घाइते हुनेमा नवलपुरको बौदीकाली गाउँपालिका–१ का १७ वर्षीय मदन क्षेत्री रहेका छन् । उनको टाउको र तिघ्रामा चोट लागेको र अवस्था मध्यम रहेको छ। त्यस्तै, भरतपुर महानगरपालिका–१७ का २६ वर्षीय रोहन तामाङको बायाँ कोखामा चोट लागेको छ भने उनको अवस्था पनि मध्यम रहेको प्रहरीले जनाएको छ ।
कालिका नगरपालिका–९ का २३ वर्षीय विशाल मगरको अवस्था सामान्य रहेको छ भने कपिलवस्तुको तौलिहवा नगरपालिका–१ का ३५ वर्षीय मो. सरपराजको बायाँ पाखुरामा चोट लागेको र अवस्था सामान्य रहेको छ ।
घटनाबारे थप अनुसन्धान भइरहेको तथा फरार व्यक्तिहरूको खोजी जारी रहेको प्रहरीले जनाएको छ ।
