March 29, 2024

६१ करोड कोभिड–१९ विरुद्धको खोप उत्पादन गर्ने चीनको दाबी

September 27, 2020

चीन / चीनले यस वर्षको अन्त्य सम्ममा कम्तीमा ६१ करोड कोभिड–१९ विरुद्धको खोप उत्पादन गर्ने दाबी गरेको छ । चीनमा उत्पादित खोप आमजनताको पहुँचका लागि सस्तो हुने चिनियाँ अधिकारीहरुको भनाइ छ।
चिनियाँ स्वास्थ्य अधिकारीहरूले पत्रकार सम्मेलन गर्दै यस वर्षको अन्त्यसम्म कोभिड–१९ विरुद्धको करिब ६१ करोड मात्रा उत्पादन गर्ने विश्वास राखेको बताएका छन् । विश्वभर विभिन्न नौ खोप परीक्षणको अन्तिम चरणमा रहेका छन्। जसमध्ये चीनद्वारा उत्पादित विभिन्न चार ओटा कोरोना भाइरस खोप विकास तीब्र रूपमा अघि बढेको छ।
विज्ञान तथा प्रविधि मन्त्रालयका वु युआनबिनले चीनको कोभिड–१९ खोप अनुसन्धान र विकास कार्य समग्रमा अग्रणी स्थितिमा बताउँदै चीनले ११ वटा खोपको क्लिनिकल परीक्षणमा प्रवेश गरिसकेको र सहज रूपमा प्रगति भइरहेको बताउनुभएको छ।
गत जुलाई देखि बन्दरगाह, अस्पताल तथा अति जोखिम रहेका सयौँ हजार स्वयंसेवकमा परीक्षण गरिरहेको र खोप परीक्षणले विश्व स्वास्थ्य संगठनबाट सहयोग पाइरहेको दाबी चीनको छ।
चिनियाँ राष्ट्रिय स्वास्थ्य आयोगका झेङ झोङवेले पत्रकार सम्मेलनमा खोपको क्षमता बारे विश्व स्वास्थ्य संगठनबाट पूर्ण मान्यता भने दिन अझै केही समय लाग्ने बताउनुभयो। चीनमा उत्पादित खोप आमजनताको पहुँचका लागि सस्तो हुने उहाँको भनाइ छ। -एजेन्सी

- ADVERTISEMENT -
- ADVERTISEMENT -