चितवनमा एकैदिन भेटिए ८४ जना कोरोना संक्रमित

चितवन / चितवनमा एकैदिन ८४ जनामा कोरोना भाइरस (कोभिड–१९) संक्रमण पुष्टि भएको छ । चितवन मेडिकल कलेज कोभिड–१९ परीक्षण प्रयोगशालामा ६१ जना र भरतपुर अस्पताल कोभिड–१९ प्रयोगशालामा गरिएको परीक्षणमा २३ जना गरी ८४ जनामा संक्रमण पुष्टि भएको हो ।
चितवन मेडिकल कलेजमा गरिएको परीक्षणमा चितवनका ५२ जना र ९ जना विभिन्न जिल्लाका छन् । चितवनका संक्रमण पुष्टि हुनेमा भरतपुर महानगरपालिकाका ४३ जना रहेका छन् । यस्तै रत्ननगर नगरपालिकाका ५ जना, खैरहनी नगरपालिका २ जना, राप्ती र माडी नगरपालिकाका एक÷एक जना रहेका छन् ।
यसैगरि तनहुँका २, नवलपुर गैंडाकोटका २ जना, कैलालीका २ जना र लमजुङ, बारा, मकवानपुरका एक÷एक जनामा संक्रमण पुष्टि भएको छ ।
यस्तै भरतपुर अस्पताल कोभिड १९ प्रयोगशालामा गरिएको परीक्षणमा चितवनका २२ जनासहित २३ जनामा संक्रमण पुष्टि भएको छ । जसमा भरतपुर महानगरपालिकाका ४ पुरुष र ३ महिला गरी ७ जना, राप्ती नगरपालिका–६ का ३ पुरुष र एक महिला गरी चार जना, खैरहनी नगरपालिका–५ र ६ का २ पुरुष र ३ महिला गरी ५ जना र रत्ननगर नगरपालिकाका विभिन्न वडाका २ पुरुष र ४ महिला गरी ६ जनामा संक्रमण पुष्टि भएको छ । यस्तै नवलपरासी पूर्व कावासोती नगरपालिका–३ का १ महिलामा संक्रमण पुष्टि भएको प्रयोगशालाले जनाएको छ ।