भरतपुर । फिजिसियन डा. भोजराज अधिकारीले ३९औं जन्मदिनको अवसरमा स्वास्थ्य परीक्षण अभियान सुरु गरेको छ । पुष्पाञ्जली हस्पिटलमा सोमबार बिहानदेखि सो अभियान थालिएको हो ।
अभियान अन्तर्गत अस्पतालमा भएका ८४ जना कर्मचारीको स्वास्थ्य परीक्षण गरिने, स्वास्थ्य परीक्षणका लागि कविलासदेखि गोलाघाटसम्म, घैलाघारीदेखि देवघाटसम्म रहेका विपन्न नागरिकहरु र नमूनाको लागि विद्यालयमा जाने उनको भनाइ छ ।
उक्त कार्यक्रममा बोल्दै डा. अधिकारीले सामाजिक दायित्वमा सधैँ अग्रसर रहने र चिकित्सक बनेर एक व्यक्ति मात्र नभएर, देश समाजमा रहेका हरेक व्यक्तिको घाउमा मलम लगाउन सक्ने एउटा सच्चा नागरिक बन्नु पर्ने बताए ।
उक्त अभियानमा विरामीहरुको सामान्य चेकजाँच (फोक्सो, मुटु) गर्ने, ब्लड प्रेसर चेक गर्ने, सुगर तथा पिसाब परीक्षण गरिने छ । उक्त अवसरमा गरिएको परीक्षणमा २५ प्रतिशत छुट दिने, औषधीमा १६ प्रतिशत छुट गरिने उनले बताए ।
[स्वास्थ्य परीक्षण बारे डा. भोजराजको भनाइ (भिडियो)]
- ADVERTISEMENT -
