सीपीएल ट्रफी सार्वजनिक

नारायणगढ । नारायणगढको क्याम्पाचौरमा हुन गइरहेको पहिलो संस्करणको सीएमसी चितवन प्रिमियर लिग (सीपीएल) टि २० क्रिकेट प्रतियोगिताको ट्रफी बिहीबार नारायणी नदी किनारमा सार्वजनिक गरिएको छ ।
प्रतियोगितामा सहभागी पाँच वटै टिमका कप्तानहरु क्रमशः संघर्ष पौडेल (भरतपुर गुर्खाज), सन्तोष न्यौपाने (सौराहा स्याण्ड्स), आकाश थापा (राप्ती ¥यापिडस), दीपेश श्रेष्ठ (इच्छाकामना वारीयर्स) र हेमराज पौडेल (उपकप्तान– माडी टाइगर्स) ले सीपीएलको ट्रफी सार्वजनिक गरेका हुन् । सबै टिमका कप्तानहरुले उपाधी जित्ने लक्ष्यका साथ मैदान उत्रने छन् ।
नारायणगढको क्याम्पाचौरमा शुक्रबारबाट शुरु हुने सीएमसी चितवन प्रिमियर लिग (सीपीएल) टि २० क्रिकेट प्रतियोगिताको तयारी पूरा भएको छ । राष्ट्रिय खेलकुद परिषदका सदस्य सचिव रमेशकुमार सिलवालले उद्घाटन गर्ने कार्यक्रम रहेको छ । माघ २५ गतेसम्म चल्ने प्रतियोगितामा चितवनका ५ टिमहरु भरतपुर गुर्खाज, सौराहा स्याण्ड्स, राप्ती ¥यापिडस, माडी टाइगर्स र इच्छाकामना वारियर्सको सहभागिता रहने छन् ।