June 14, 2024

चट्याङले छत भ्वाङ, पोलको तार भूँइमा

April 18, 2020
चट्याङबाट क्षति भएका तार (बायाँ) तथा प्वाल परेको छत । तस्बिर - न्यूजप्रवाह डटकम ।

नारायणगढ । आनन्दमार्ग स्थित एक घरमा शुक्रबार साँझ करिब ६ बजेतिर चट्याङ लागेको छ । चट्याङका कारण घरको छतमा क्षति पुगेको छ ।
चट्याङले घर माथि पट्टिको छत प्वाल पारेको छ । वरिपरिका भित्ताका वायरिङमा पनि क्षति भएको छ भने मानवीय क्षति टरेको सोही घरमा रहने एकजना स्थानीयले बताए ।
त्यस्तैगरी सोही घरको रोडमा रहेको हाइटेन्सन तारमा पनि क्षति पुगेको छ । चट्याङ लागेर तार भुइँमा लत्रिएको छ भने पोलमा चट्याङ लागेकोले अन्य तारहरुमा समेत क्षति गराएको छ ।
त्यसैगरी शुक्रबार बेलुकी परेको पानीले आनन्दमार्ग स्थित तीन घरमा क्षति पु¥याएको छ । आकाशको पानी घरहुँदै नालातर्फ नभई नालाहुँदै घरतर्फ गएकोले सो क्षति भएको हो । करिब एक महिना अघि निर्माण गरिएको सो रोड निर्माण गलत भएकोले पानी घरमा पसेको एक स्थानीयले बताए ।
हाल पाइपबाट पानी जाने व्यवस्था गरेको भए पनि वर्षातको समयमा झनै बढी समस्या हुने अर्का स्थानीय बताउँछन् । पाइप बिछ्याएर निर्माण भएको सो बाटो निर्माण घरको फोहोर पानी मात्र व्यवस्थापन हुने हुँदा वर्षातको समयमा निकै समस्या देखिने स्थानीयहरुको भनाइ छ ।

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -