थप १७ सहित ४ सय ४४ कोरोना संक्रमित

काठमाडौं । बिहीबार बिहानसम्म कोरोना संक्रमितको संख्या ४ सय ४४ पुगेको छ । स्वास्थ्य तथा जनसंख्या मन्त्रालयका सहप्रवक्ता डा. समिरकुमार अधिकारीका अनुसार थप १७ नयाँ संक्रमणको पुष्टी भएको हो । संक्रमितहरु झापा, धनकुटा र सुनसरीका छन् ।
यसअघि बुधबार थप २५ जनामा कोरोना भाइरस (कोभिड–१९) संक्रमण थपिएको थियो । नेपालमा योसँगै कोरोना संक्रमितको संख्या ४२७ पुगेको थियो । बाँकेमा ६ जना, धनकुटामा ५ जना, कपिलवस्तुमा १३ जना र पश्चिम नवलपरासीमा एक जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको थियो ।
त्यस्तै निको भई फर्कनेमा ४५ जना रहेका छन् ।