बढ्यो ९ जना, नेपालमा संक्रमित संख्या ४५३ जना

काठमाडौं । कोरोना भाइरस थप ९ जनामा देखिएको छ । स्वास्थ्य तथा जनसंख्या मन्त्रायलका प्रवक्ता डा. विकास देवकोटाले बिहीबार थप ९ जनामा कोरोना संक्रमण पुष्टि भएको जानकारी दिएका छन् ।
कोरोनाका कारण रुपन्देही १ र झापा ८ जना गरी ९ जनामा संक्रमण देखिएको उनले बताए । योसहित नेपालमा संक्रमितको संख्या ४५३ पुगेको छ ।
प्रवक्ता डा विकास देवकोटाका अनुसार संक्रमण देखिएकाहरु स्वास्थ्यकर्मीको सम्पर्कमा रहेको बताइएको छ । उनले ४ जना संक्रमित निको भई डिस्चार्ज भएको बताए । संक्रमितहरु विराटनगरस्थित कोशी कोभिड उपचार केन्द्रमा उपचाररत थिए ।
नेपालमा संक्रमण पुष्टि भएकामध्ये ४९ जना अहिले संक्रमणमुक्त भएका छन् भने ३ जना संक्रमितको मृत्यु भइसकेको जनाएका छन् ।