बढ्यो ३० जना, कूल ४८७ जना संक्रमित

काठमाडौं । नेपालमा कोरोना संक्रमण बढ्ने क्रम जारी रहेको छ । आज शुक्रबार थप ३० जनामा कोरोना भाइरस (कोभिड–१९) संक्रमण पुष्टि भएको जनाइएको छ । थप ३० सँगै संक्रमितको संख्या ४८७ पुगेको हो । राष्ट्रिय जनस्वास्थ्य प्रयोगशाला काठमाडौं र भरतपुर अस्पताल कोभिड–१९ परीक्षण प्रयोगशालामा गरिएको परीक्षणमा उनीहरुको कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
कोरोना संक्रमण हुनेहरुमा भरतपुर महानगरपालिका–६ गीतानगर (केशरबाग) निवासी ७४ वर्षीय पुरुष र ७३ वर्षीया महिला, नवलपरासी (बर्दघाट सुस्ता पूव) नवलपुर विजय त्रिवेणी गाउँपालिका–६ निवासी ४५ वर्षीय पुरुष, नवलपरासी पश्चिम सुस्ता गाउँपालिका ५ र रामग्राम नगरपालिका–३ र १८ निवासी ३३, ३५ वर्षीय पुरुष र १५ वर्षीया युवती रहेकी छिन् ।
मन्त्रालयका सहप्रवक्ता डा. समिरकुमार अधिकारीका अनुसार कपिलवस्तु वाणगंगा नगरपालिका र मायादेवी गाउँपालिका निवासी २४ देखि ५३ वर्षका ८ जना पुरुष र ८ वर्षीया महिलामा कोरोना संक्रमण पुष्टि भएको छ ।
त्यस्तै सर्लाही गौडेताल नगरपालिका निवासी २२ देखि ३९ वर्षका १४ जना पुरुष र १८ वर्षीया महिलामा कोरोना संक्रमण पुष्टि भएको छ । उनीहरुको सबैको स्वास्थ्य अवस्था सामान्य रहेको स्वास्थ्य मन्त्रालयले जनाएको छ ।