विमान दुर्घटनामा १०७ जनाको मृत्यु, इन्जिन फेल भएपछि …

पाकिस्तान । पाकिस्तानमा शुक्रबार भएको विमान दुर्घटनामा १०७ जनाको निधन भएको छ ।
उक्त विमानमा रहेका सबैको निधन भएको कराँचीका मेयरले पुष्टि गरेका छन् । दुर्घटनामा ९९ जना यात्रु र ८ जना चालक दलका सदस्य गरी कुल १०७ जनाको निधन भएको हो ।
मेयर वासिम अख्तरका अनुसार विमान खसेकाले कम्तीमा ५, ६ ओटा घर ध्वस्त भएको पनि जानकारी दिए ।
विमान अवतरण गर्ने क्रममा जिन्नाह अन्तर्राष्ट्रय विमानस्थलभन्दा ३.२ किलोमिटर पर रहेको कराँचीको एउटा बस्ती, मोडेल कोलोनी नजिकै उक्त विमान दुर्घटनाग्रस्त भएको हो । पाकिस्तान सेनाका अनुसार उस्को दुत प्रतिक्रिया सैन्यका सैनिकहरू राहत तथा उद्धार कार्यमा सघाउन दुर्घटनास्थलमा पुगेका थिए । कोरोनाभाइरस महामारीका कारण अवरुद्ध आन्तरिक वायुसेवा दुई महिनापछि भर्खरै सञ्चालनमा आएको थियो ।
पाकिस्तानका प्रधानमन्त्री इमरान खानले सामाजिक सञ्जाल ट्वीटरमा लेख्दै दुर्घटनाप्रति गहिरो दुःख व्यक्त गरेका छन् ।