कार र ट्रक ठक्कर खाँदा चालकसहित ३ जना घाइते

तनहुँ । तनहुँको पृथ्वी राजमार्ग अन्तर्गत मुग्लिन कोत्रे खण्डको बन्दिपुर १ नयाबस्तिमा नाहालामा कार र ट्रक एकआपसमा ठक्कर खाँदा चालक सहित ३ जना घाइते भएका छन् ।
बन्दिपुरबाट पोखरातर्फ जाँदै गरेको ग २ च ६१६९ नम्बरको कार र पोखराबाट डुम्रेतर्फ आउँदै गरेको ना ४ ख १५८१ नम्बरको ट्रक एकआपसमा ठक्कर खादा उक्त दुर्घटना भएको हो । बुधबार बिहान भएको सडक दुर्घटनामा ३ जना घाइते भएकोमा चालकसहित २ को जनाको अवस्था गम्भीर रहेको छ ।
घाइतेहरुमा बन्दिपुर २ खाहरेका वर्ष २३ का सुबास कुवर, वर्ष ४७ केहरसिह कुवर र बर्ष १८ सैलजा कुवर रहेका छन् । उनीहरुलाई तत्काल उपचारका लागि डुम्रेको लक्ष्मी अस्पतालमा ल्याइएको र थप उपचारको लागि गम्भीर घाइतेहरु मध्ये एक जनालाई पोखरा र एक जनालाई काठमाडौं पठाइएको छ ।
घाइते सामान्य एक जना सैलजाको लक्ष्मी अस्पताल डुम्रेमा उपचार भइरहेको छ । ट्रकका चालक डुम्रे प्रहरीको नियन्त्रणमा रहेको प्रहरी प्रमुख जितेन्द्र श्रेष्ठले बताए ।