लायन्सद्वारा दुई मृगौंला पीडीतहरुलाई आर्थिक सहयोग

आँबुखैरेनी । लायन्स क्लब अफ आँबुखैरेनीले दुबै मृगौंला फेल भएका २ जना मृगौंला पिडीतलाई आर्थिक सहयोग गरेको छ । आँबुखैरेनी–३, छबिसे टोल नजिकै कोठा भाडामा लिएर बस्दै आउनुभएका मृगौंला पीडित मंगल ढकाल र भुवन तामाङ्गको उपचारमा सहयोग पु¥याउने हेतुले जनही नगद १० हजार २ सय २५ रुपैंया आर्थिक सहयोग गरिएको शुक्रबार क्लबले जनाएको छ ।
क्ल्स्टर ३१, रिजन ६३, जोन १२५ अन्तर्गत क्लबको लायन वर्ष २०२०-०२१ को सुरुवात सङ्गै लायन्स क्लब अफ आँबुखैरेनीका नव निर्वाचित अध्यक्ष लायन दिपक कोइरालाको अध्यक्षतामा बसेको प्रथम बैठकले क्लबका नव निर्वाचित अध्यक्ष लायन कोइराला र लायन्स क्लबका पूर्व अध्यक्ष लायन गोविन्द अधिकारीले मृगौंला पिडीत मंगल ढकालकी श्रीमती बिमला ढकाल र भुवन तामाङ्गकी श्रीमती सपना तामाङ्गलाई सो सहयोग रकम हस्तान्तरण गर्नुभएको क्लबका पूर्व अध्यक्ष तथा रिजन चियरपर्सन (रिजन ६३) लायन सुरेन्द्रकुमार श्रेष्ठले जानकारी दिए ।