विश्वमा संक्रमित १ करोड १५ लाख बढी, भारत तेस्रो स्थानमा

काठमाण्डौं । विश्वभर १ करोड १५ लाख ५९ हजार २ सय १३ जनामा कोरोना संक्रमण भएको छ । विश्व स्वास्थ्य संगठन (डब्लुएचओ)का अनुसार आज सोमबार बिहानसम्म १ करोड १५ लाख ५९ हजार २ सय १३ जना पुष्टि भएको जनाएको छ ।
त्यसैगरी कोरोनालाई जितेर घर फर्कनेमा ६५ लाख ३५ हजार ९०२ जना रहेको छ । निको भएर घर फर्कनेको संख्या ५० प्रतिशत बढी रहेको छ । हालसम्म ५ लाख ३६ हजार ७ सय ८६ जनाको कोरोनाका कारण मृत्यु भएको छ¬ ।
यस्तै विश्वमा सबैभन्दा धेरै केरोना सङ्क्रमित देशमध्येमा भारत तेस्रो स्थानमा पुगेको छ । रुसलाई पछाडि पार्दै भारत तेस्रो स्थानमा पुगेको हो । भारतमा ६ लाख ९७ हजारभन्दा बढीमा कोरोना सङ्क्रमण देखिएको छ । रुसमा सङ्क्रमितको संख्या ६ लाख ८१ ह्जारभन्दा बढी छ ।
अमेरिका र ब्राजिलमा कोरोना सङ्क्रमितको संख्या भारतमा भन्दा बढी छ । अमेरिकामा २९ लाख ८२ हजारभन्दा बढी र ब्राजिलमा १६ लाख ४ हजारभन्दा बढी कोरोना सङ्क्रमित रहेको डब्लुएचओले बताएको छ ।