आजबाट भरतपुरमा निषेधाज्ञा, अत्यावश्यक बाहेक सबै ठप्प

चितवन । भरतपुर महानगरपालिका क्षेत्रभित्र आजबाट निषेधाज्ञा जारी गरिएको छ । शुक्रबार राति १२ बजेबाट जारी गरिएको निषेधाज्ञाबाट जनजीवन ठप्प भएको छ । महानगरपालिका भित्र रहेको उद्योग, कालकारखाना, वजार, यातायात न्यून संख्यामा चलेका छन् ।
पछिल्लो समय चितवनमा कोरोना भाइरस (कोभिड–१९) संक्रमण फैलिदै गएकोले जिल्ला प्रशासन कार्यालय चितवनले अत्यावश्यक वाहेकका अन्य क्षेत्रमा निषेधाज्ञा जारी गरिएको छ । जिल्ला प्रशासनद्वारा जारी एक सूचनामा भदौं ५ गतेसम्मसम्मका लागि निषेधाज्ञा जारी गरिएको छ ।
निषेधाज्ञा जारी भएसँगै जिल्ला भएर राजमार्गमा चल्ने अत्यावश्यक र लामो दुरीका सवारी साधन मात्र चलेका छन् ।
अत्याबश्यक सामग्री खरिदका लागि विहान र वेलुका ५ वजे देखि ८ वजे सम्म पसलहरु खोल्न दिइएको छ ।
कोरोना संक्रमण वढ्दै गएपछि स्थानीय प्रशासन ऐन, २०२८ को दफा ६ को उपदफा ९३० बमोजिम भरतपुर महानगरपालिकाको सम्पूर्ण क्षेत्रभित्र लागू हुने गरी निषेधाज्ञा जारी गरिएको प्रमुख जिल्ला अधिकारी भट्टराईले जानकारी दिनुभयो । आदेशको अवज्ञा गरिएमा प्रचलित कानुन बमोजिम कार्वाही गरिने उहाँले बताउनुभयो ।