हेटौँडामा भदौ १५ गतेसम्म निषेधज्ञा

हेटौँडा । मकवानपुरको हेटौँडामा निषेधज्ञा आगामी भदौ १५ गतेसम्म थप भएको छ । आज हेटौँडामा भएको कमाण्ड पोष्टको बैठकले भदौ १५ गतेसम्म निषेधज्ञा जारी राख्ने निर्णय गरेको हो ।
साउन २६ गतेबाट सुरु भएको निषेधज्ञा भदौ ९ सम्म कायम थियो । आजको बैठकले भदौ ९ गतेबाट १५ गतेसम्म निषेधज्ञालाई अहिलेकै अवस्थामा जारी गरेको जिल्ला समन्वय समिति मकवानपुरका प्रमुख रघुनाथ खुलालले खबरब्रेकलाई जानकारी दिए ।
कोरोनाको जोखिम अझै कम नभैसकेको कारण र कोरोना संक्रमितहरुसँग सम्पर्कमा आएकाहरुकको अझैपनि स्वाब परिक्षण नसकिएको कारण पनि १५ गतेसम्मलाई निषेधज्ञा थप गरिएको मकवानपुर उद्योग वाणिज्य संघका अध्यक्ष कृष्ण कटुवालले खबरब्रेकलाई बताए ।
निषेधज्ञाको क्षेत्र हेटौँडाको सबै वडा तथा मनहरी गाउँपालिकामा पर्ने राजमार्गको क्षेत्रहरु हुनेछन् ।