नेपालभर थप १ हजार २२८ जनामा कोरोना संक्रमण पुष्टि

काठमाडौँ / नेपालमा पछिल्लो २४ घण्टामा थप १ हजार २२८ जनामा कोरोना भाइरस (कोभिड १९) पुष्टि भएको छ । नियमित पत्रकार सम्मेलन मार्फत बिहीबार थप १ हजार २२८ जनामा कोरोना भाइरस (कोभिड १९) पुष्टि भएको स्वास्थ्य तथा जनसंख्या मन्त्रालयका प्रवक्ता जागेश्वर गौतमले जानकारी दिनुभयो ।
मन्त्रालयका प्रवक्ता डा. गौतमका अनुसार मुलुकका विभिन्न प्रयोगशालामा गरिएको परिक्षणमा ३९४ जना महिला र जना ८३४ पुरुष गरी १ हजार २२८ जनामा संक्रमण देखिएको हो । योसँगै नेपालमा कुल संक्रमितको संख्या ४२ हजार ८७७ पुगेको हो ।
संक्रमितमध्ये हालसम्म कोरोना जितेर घर फर्किनेको संख्या २४ हजार २०७ पुगेका छन् भने ९१७ जना उपचारपछि डिस्चार्ज भएका छन् यसअनुसार ५६ प्रतिशत संक्रमित निको भएका छन् ।
नेपालभरि १८ हजार ४१३ संक्रिय संक्रमित छन् भने क्वारेन्टाइनमा ६ हजार ४४९ रहेका छन् । त्यसैगरी होम आइशोलेशनमा ७ हजार ७४२ रहेका छन् भने १३ हजार ४१३ जनाको पिसिआर परिक्षण गरिएको हो ।