May 18, 2024

संक्रमित थपिए ९७९, कोरोनामुक्त भएका १७३६ जना

September 7, 2020

काठमाडौँ । नेपालमा पछिल्लो २४ घण्टामा थप ९७९ जनामा कोरोना भाइरस (कोभिड १९) पुष्टि भएको छ । नियमित प्रेस व्रिफिङ मार्फत थप ९७९ जना कोरोना देखिएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिनुभयो ।
प्रवक्ता डा. जागेश्वर गौतमका अनुसार आज सोमबार मुलुकका विभिन्न प्रयोगशालामा गरिएको परिक्षणमा ९७९ जनामा संक्रमण देखिएको हो । योसँगै नेपालमा कुल संक्रमितको संख्या ४७ हजार २३६ पुगेका छन् ।
संक्रमितमध्ये हालसम्म कोरोना जितेर घर फर्किनेको संख्या ३० हजार ६७७ पुगेको छ । पछिल्लो २४ घण्टामा थप १ हजार ७३६ जना उपचारपछि डिस्चार्ज भएका छन् । ६५ प्रतिशत संक्रमित निको भएका छन् ।
नेपालमा १६ हजार २५९ संक्रिय संक्रमित छन् । संस्थागत आइशोलेशनमा ९ हजार ६९ जना रहेका छन् । होम आइशोलेशनमा ७ हजार १९० रहेका छन् । अहिले क्वारेन्टाइनमा ४ हजार ७३९ रहेका छन् भने ९ हजार २१८ जनाको पिसिआर परिक्षण गरिएको उहाँले बताउनुभयो ।

- ADVERTISEMENT -
- ADVERTISEMENT -
- ADVERTISEMENT -