६५औं प्रहरी दिवसको अवसरमा रक्तदान

हेटौंडा / ६५औं प्रहरी दिवस २०७७ को सु–अवसरमा रक्तदान कार्यक्रम गरिएको छ । बागमती प्रदेश प्रहरी कार्यालय हेटौंडाको आयोजना तथा नेपाल रेडक्रस सोसाईटी हेटौंडासँगको समन्वयमा मंगलबार रक्तदान कार्यक्रम गरिएको हो ।
बागमती प्रदेश प्रहरी कार्यालय र सो अन्तर्गतका जिल्ला प्रहरी कार्यालय मकवानपुर, दंगा नियन्त्रण प्रहरी गण, सशस्त्र प्रहरी गण हेटौंडामा कार्यरत ५५ जना प्रहरी कर्मचारीहरुले रक्तदान गरेका थिए ।
नेपाल प्रहरी स्थापनाको सु–अवसरमा हरेक वर्ष मनाइने प्रहरी दिवसमा बागमती प्रदेश प्रहरी कार्यालय हेटौडाले समेत विभिन्न कार्यक्रमहरु गरिरहेको छ ।
प्रहरी दिवसकै अवसरमा बागमती प्रदेश प्रहरी कार्यालय हेटौंडाले सार्वजनिक महत्वका स्थलहरुको सरसफाइ, वृक्षरोपण, प्रदेश प्रहरी श्रीमती संघबाट हेटौंडामा रहेका वृद्धाश्रमहरुमा फलफुल वितरण गर्ने लगायतका कार्यक्रम संचालन गर्ने तय भएको छ । यही असोज ३० गते ‘६५ औं प्रहरी दिवस २०७७’ मनाइँदै छ ।