May 18, 2024

दुर्घटना न्यूनीकरणका लागि लाइडर गन मार्फत चेकजाँच

October 16, 2020
फोटो : हल्कारो समाचार ।

चितवन / जिल्ला ट्राफिक प्रहरी कार्यालय चितवनद्वारा दुर्घटना न्यूनीकरणका लागि लाइडर गन मार्फत चेकजाँच सुरु गरिएको छ । चाडपर्वको पूर्वसन्ध्यामा जिल्लामा हुन सक्ने दुर्घटना न्यूनीकरणका लागि लाइडर गन मार्फत चेकजाँच सुरु गरेको जिल्ला ट्राफिक प्रहरी कार्यालय चितवनका ट्राफिक प्रमुख प्रहरी निरिक्षक दयाकृष्ण भट्टले जानकारी दिए ।
प्रनि भट्टका अनुसार सडकमा बढ्दै गएको सवारी चाप र तीव्र गतिका कारण हुन सक्ने दूर्घटनाको जोखिमलाई न्यूनीकरणका लागि जिल्लामै पहिलो पटक अत्याधुनिक लाइडर गन मार्फत् चेक जाँच सुरु गरिएको हो ।
उनले लाइडर गनले तोकिएको भन्दा बढी गतिमा सवारी चलाउने चालकहरुको फोटो, भिडियो र सवारीको गती कैद गर्ने बताए । सोही आधारमा प्रिन्ट प्रतिसहित चालकहरुलाई कारबाही गरिने भट्टले बताए । अधिकांश गम्भीर प्रकृतिको दुर्घटना तिब्र गतिकै कारण हुने भएकोले यसको प्रयोगले दुर्घटना न्यूनीकरण गर्न सहयोग मिल्ने उनको भनाई छ ।
अधिकांश गम्भीर प्रकृतिको दुर्घटनाका कारण नै तिव्र गति भएको र लाइडर गनले तोकिएको भन्दा बढी गतिमा सवारी चलाउने चालकहरुको फोटो भिडियो र सवारीको गति कैद गर्ने, त्यसैको आधारमा ट्राफिक नियम उल्लघंन गर्नेहरुलाई कारबाही गरिने उनले बताए ।
बढी दुर्घटना हुने आँपटारी, रामनगर, गोन्द्राङ, टिकौली जंगल सडक खण्डको दुबैतर्फ ४ स्थानमा र गोलघुम्ती रहेका केन्द्रीय बसपार्क, चौबिसकोठी र आँपटारीमा सचेतनामुलक ९ थान रिफ्लेक्टिङ बोर्ड राखिएको छ ।
यस्तै चाड पर्व लक्षित गर्दै यात्रुहरुको चाप बढी हुने स्थानमा सहायता कक्ष स्थापना गरिएको छ । नारायणगढको पुलचोक, केन्द्रीय बस ट्रमिनल, पोखरा बसपार्क र मुग्लिनमा सहायता कक्ष राखिएको प्रनि भट्टले जानकारी दिए ।

- ADVERTISEMENT -
- ADVERTISEMENT -
- ADVERTISEMENT -