चितवनका ८९ सहित १२५ जनामा कोभिड–१९ पुष्टि

भरतपुर / चितवन मेडिकल कोभिड–१९ प्रयोगशालामा १२५ जनामा कोरोना भाइरस (कोभिड–१९) संक्रमण देखिएको छ । बुधवार गरिएको परीक्षणमा चितवनका ८९ सहित १२५ जनाको रिपोर्ट पोजेटिभ आएको अस्पताल जनाएको हो ।
अस्पतालका अनुसार भरतपुरका ६५, रत्ननगरका १२, खैरहनीका ५, राप्तीका ३, कालिकाका १ र माडीका ३ जना समेत ८९ जना रहेका छन् ।
यस्तै अन्य संक्रमित हुनेहरुमा नवलपुरका २०, मकवानपुरका ३, गोरखाका ४, तनहुँका २ र नवलपरासी, रौतहट, काठमाडौका, धादिङ, सिन्धुली, दाङ र पर्साका १ र १ सहित ७ जना गरी जम्मा १२५ जना रहेका छन् ।
संक्रमितहरु ४ देखि ८१ वर्षसम्मका रहेका छन् । सिएमसी स्वाब संकलन केन्द्रबाट संकलन गरिएका ३८४ नमुनाको परीक्षण गर्दा २५९ नमुनाको नतिजा नेगेटिभ आएको थियो भने १२५ जनाको रिपोर्ट पोजेटिभ आएको अस्पतालको रिपोर्टमा उल्लेख छ ।