मछिन्द्रलाई हराउँदै मकवानपुर–११ फाइनलमा

मकवानपुर / हेटौँडामा जारी स्थानीय तह सहिद स्मृति गोल्डकप अन्तराष्ट्रिय फुटबल प्रतियोगितामा आयोजक जिल्ला फुटबल संघ मकवानपुरको रिगल हेटौँडा रिर्सोट, मकवानपुर–११ ले जित हाँसिल गरेको छ ।
मकवानपुर–११ र काठमाडौंको मछिन्द्र क्लब बिच बुधबार भएको खेलमा ४–३ गोल अन्तरले मकवानपुर–११ ले जित हासिल गरेको हो ।
मकवानपुर–११ का लागि जर्सी नम्बर ७ का अमिर श्रेष्ठले २ गोल, जर्सी नम्बर ९ का रञ्जन विष्टले र जर्सी नम्बर १३ का रुपेश केसिले १/१ गोलको योगदान गरे ।
मछिन्दैका तर्फबाट जर्सी नम्बर ११ का पुजन उपरकोटी, जर्सी नम्बर १५ का आशोक थापा र जर्सी नम्बर १० का राजेश परियारले १/१ गोल गरेपनि जितका लागि प्रर्याप्त भने हुन सकेन ।
खेल सुरुवातमा नै फितलो प्रदर्शन गरेको मकवानपुर–११ लाई दवावमा राख्दै मछिन्द्रका लागि खेलको १० औं मिनेटमा पुजनले गोल गर्दै टिमलाई अग्रता दिलाएका थिए ।
गोल खाए लगतै खेलमा फर्किने पर्ने दवावमा परेको मकवानपुर–११ का रुपेश केसिले पाएको अवसरलाई सदुपयोग गर्दै गोल गर्न सफल भए । रुपेशको गोलसंगै बराबर खेलिरहेको मकवानपुर–११ ले पहिलो हाफमा लगातार २ गोल थप्न सफल भयो ।
मकवानपुर–११ लागि खेलको ३५ र ४७ औ मिनेटमा रञ्जन र अमिरले गोल गरे ।
खेलको पहिलो हाफमा ३–१ को अग्रता लिएको मकवानपुर–११ खेलको दोस्रो हाफमा डिफेन्स बलियो बनाउन नसक्दा मछिन्द्रको २ गोल खान पुग्यो ।
मछिन्द्रका लागि खेलको ५० र ६४ औ मिनेटमा अशोक र राजेशले गोल गरे । दोस्रो हाफमा लगातार २ गोल गर्दै मसछन्द्रले मकवानपुर–११ संग खेल बराबर गर्न सफल भयो ।
अत्यन्त प्रतिस्पर्धात्मक खेल प्रदर्शन गर्दै मकवानपुर–११ का अमिरले खेलको ६९ औं मिनेटमा पुनः १ गोल गरे । अमिरको उक्त गोल नै खेलमा निर्णयक सावित भयो ।
खेलमा व्यक्तिगत २ गोल गोल गर्न सफल अमिर आजको खेलको म्यान अफ द म्याच घोषित भए ।
यो जितसंगै मकवानपुर–११ फाईनलमा प्रवेश गरेको छ ।