कोरोनाबाट ८ हजार ८ सय बढी संक्रमणमुक्त

काठमाडौँ / पछिल्लो २४ घण्टामा ८ हजार ८ सय ४८ जना कोरोना भाइरस संक्रमणमुक्त भएका छन् । स्वास्थ्य तथा जनसंख्या मन्त्रालयले सार्वजनिक गरेको विवरण अनुसार यो संख्या एकै दिन संक्रमणमुक्त हुने अहिलेसम्मकै धेरै संख्या हो । यसअघि शुक्रबार ७,८९० जना संक्रमणमुक्त भएका थिए ।
त्यसैगरी आजै ८ हजार ९ सय ८० जनामा कोरोना भाइरस संक्रमण पुष्टि भएको छ । १९३५७ पीसीआर परीक्षणमा ८५९१ जना र ७४८ एन्टिजेन परीक्षणमा ३८९ जनामा संक्रमण पुष्टि भएको मन्त्रालयले जनाएको हो ।
कोरोना भाइरस संक्रमणबाट थप १ सय २९ जनाको मृत्यु भएको छ ।