निको दर बढ्दै, थप ४३४४ जना संक्रमित, ५७६८ संक्रमणमुक्त

काठमाडौं / नेपालमा पछिल्लो २४ घण्टामा ४३४४ जनामा कोरोनाभाइरसे संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १२०७४ पीसीआर परीक्षणमा ३४४९ र ४५६८ जनाको एन्टिजेन परीक्षणमा ८९५ गरी ४३४४ जनामा संक्रमण पुष्टि भएको हो ।
पछिल्लो २४ घण्टामा कोरोना भाइरस संक्रमणका कारण ८१ जनाको मृत्यु भएको छ । देशभर हालसम्म कोरोनाबाट ८ हजार १७९ जनाको मृत्यु भएको छ ।
त्यस्तै, पछिल्लो २४ घण्टामा ५७६८ जना संक्रमणमुक्त भएका छन् । देशभर ८० हजार ३३६ जना सक्रिय संक्रमित छन्। देशभर निको हुनेको दर ८५.२ प्रतिशत रहेको मन्त्रालयले जनाएको छ ।