नेपालमा थप २७६० मा कोरोना संक्रमण, ४०१७ जना निको

काठमाडौं / नेपालमा पछिल्लो २४ घण्टामा २७६० जनामा कोरोना भाइरसको संक्रमण पुष्टि भएको छ । पीसीआर विधिबाट १८५७ र एन्टिजेन विधिबाट ९०३ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यससँगै नेपालमा कुल संक्रमितको संख्या पीसीआरबाट ६ लाख ४० हजार ६६२ र एन्टिजेनबाट ३५ हजार ८४७ जना पुगेको छ ।
यस्तै, आज थप ४०१७ जना कोरोना संक्रमणमुक्त भएका छन् । यससँगै कुल कोरोना संक्रमणमुक्त हुनेको संख्या ६ लाख १४९ जना पुगेको छ । निको हुनेको दर ९३.७ प्रतिशत छ ।
त्यस्तै आज संक्रमणबाट थप ३३ जनाको मृत्यु भएको छ । नेपालमा कोरोनाबाट ज्यान गुमाउनेको कुल संख्या ९ हजार १४५ पुगेको मन्त्रालयले जनाएको छ ।