ट्रकको ठक्करबाट दुई जनाको मृत्यु

विराटनगर / झापाको पूर्व–पश्चिम लोकमार्गअन्तर्गत दमक नगरपालिका–४ मा ट्रकको ठक्करबाट दुई जनाको मृत्यु भएको छ ।
मंगलबार राति सुनसरीको इटहरीबाट झापाको सुरुंगातर्फ जाँदै गरेको प्र २–०३–०१३ प ४७८७ नम्बरको मोटरसाइकललाई विपरीत दिशाबाट आउँदै गरेको ना ४ ख ८७३० नम्बरको ट्रकले ठक्कर दिँदा दुई जनाको मृतयु भएको प्रहरीले जनाएको हो ।
दुर्घटनामा मोटरसाइकल चालक झापाको कनकाई नगरपालिका–३ का ४३ वर्षीय पूर्णबहादुर विष्ट र उनकी श्रीमती ३६ वर्षीया भीमा विष्टको मृत्यु भएको जिल्ला प्रहरी कार्यालय झापाले जनाएको छ ।
प्रहरीका अनुसार, दुर्घटनामा परेर गम्भीर उनीहरु दुबै जना घाइते भएका थिए । घाइते उनीहरुलाई उपचारका लागि लाइफलाइन अस्पताल दमक लगिएकोमा चिकित्सकले मृत घोषणा गरेको हो ।
चालकले मापसे (मादक पदार्थ सेवन) गरेर तीव्र गतिमा ट्रक कुदाएका कारण दुर्घटना भएको प्रहरीको प्रारम्भिक अनुसन्धानबाट खुलेको जनाएको छ र जानकारी ट्रकले पूर्व–पश्चिम लोकमार्गअन्तर्गत दमक नगरपालिका–४ मा राति १०ः१० बजेतिर मोटरसाइकललाई ठक्कर दिएको प्रहरीले जनाएको छ ।
ठक्कर दिने ट्रक र चालक विराटनगर महानगरपालिका–४ का ४८ वर्षीय सुजन थापालाई नियन्त्रणमा लिई घटनाको विषयमा आवश्यक अनुसन्धान भइरहेको जनाएको छ ।