July 21, 2024

टिपरको ठक्करबाट एक जनाको मृत्यु

August 6, 2021

काठमाडौं / काठमाडौंको नागार्जुन नगरपालिका–७ स्थित लाफा भिलेज इन्भेष्टमेन्ट कम्पनी प्रालिको प्लटिङमा टिपरको ठक्करबाट एक जनाको मृत्यु भएको छ ।
बा ५ ख १८६० नम्बरको टिप्परको ठक्करबाट सर्लाहीको लालबन्दी घर भएका ३९ वर्षीय सोमबहादुर बलको मृत्यु भएको महानगरीय प्रहरी वृत्त स्वयम्भूले जनाएको छ ।
प्रहरीले टिपरका सह–चालक लक्ष्मण तामाङलाई नियन्त्रणमा लिएको छ । सह–चालकले टिप्पर चलाएको र उकालोमा ब्रेक नलागेपछि हाम्फालेका सोमबहादुरलाई टिपरले किचेको मृत्यु भएको प्रहरीले जनाएको छ ।
रोडा लोड भएको टिप्पर चालकले सह–चालकलाई चलाउन दिएका थिए । उक्त टिपरका चालक भने फरार रहेको प्रहरीले जनाएको छ ।

- ADVERTISEMENT -
- ADVERTISEMENT -