July 20, 2024

नवलपुरमा ‘तपाईंको मास्क खै’ अभियान सुरु

August 14, 2021
Photo : Halkaro

नवलपुर / लकडाउन खुकुलो भएपनि कोभिड-१९ को जोखिम झन बढेको भन्दै नवलपुरमा प्रहरीले मास्क अभियान थालेको छ । मास्क नलगाई यात्रा गर्ने सर्वसाधरणलाई सचेत गराउनका लागि जिल्ला प्रहरी कार्यालयको अगुवाईमा ‘तपाईको मास्क खै’ अभियान सुरु गरेको हो ।
कामना विकास बैङको सहकार्यमा जिल्ला ट्राफिक कार्यालय र जिल्ला प्रहरी कार्यालयको आयोजनमा सन्चालन गरिएको अभियानमा मास्क नलगाउनेलाई मास्क प्रदान गरिएको र सवारी चालकहरुलाई कोरोनाबाट जोगिनका स्वास्थ्य मापदण्डको पुर्ण पालना गर्न सचेत गराईएको जिल्ला ट्राफिक कार्यालय नवलपुरका प्रमुख नारायण थापाले बताए ।
प्रहरीले सदरमुकाम र आसपासका मूख्य बजारक्षेत्रमा सर्वसाधरण र सवारीचालकलाई मास्क वितरण गर्दै अभियान चलाएको छ । मास्क प्रयोग नगरी हिँड्ने सर्वसाधरणलाई मास्कलाई अनिवार्यता गर्न अनुरोध गर्दै सचेतनामूलक अभियान थालेको प्रहरी निरीक्षक थापाले बताए । कोरोना संक्रमणको जोखिमलाई मध्यनजर गर्दै मास्क नलगाई सडकमा यात्रा गरिएको भेटिएमा प्रहरीले कारबाही समेत गर्ने बताएको छ ।

- ADVERTISEMENT -
- ADVERTISEMENT -