एस एण्ड पी कम्पनीद्वारा ६६ थान झोला र शैक्षिक सामग्री सहयोग

चितवन / भरतपुर ११ वाइपासरोडमा अवस्थित एस एण्ड पी कम्पनीले विद्यार्थीहरुका लागि झोला तथा शैक्षिक सामग्री वितरण गरेको छ । श्री आधारभूत विद्यालय गोपालगञ्ज भरतपुर १५ मा अध्ययनरत विद्यार्थीहरुलाई ६६ थान झोला तथा शैक्षिक सामग्री वितरण गरिएको एस एण्ड पी कम्पनीका प्रबन्ध निर्देशक सूर्य श्रेष्ठले जानकारी दिए ।
प्रबन्ध निर्देशक श्रेष्ठले आम्दानीको केही अंश सामाजिक कार्यमा लगानी गर्दै आएको बताए । समाज रुपान्तरणको लागि थोरै भए पनि सानो सहयोग विद्यालयका भाइबहिनीहरुमा लगानीले उनीहरुमा थप उर्जा मिल्ने उनको विश्वास छ । उनले आगामी दिनमा यस किसिमको सहयोग गर्ने प्रतिबद्धता व्यक्त गरे ।
कार्यक्रममा भरतपुर वडा नं. १५ का निमित्त कार्यवाहक अध्यक्ष वीरबहादुर लामाको प्रमुख आतिथ्यता तथा विद्यालय व्यवस्थापन समितिका अध्यक्ष कृष्ण दवाडीको अध्यक्षता रहेको थियो । कार्यक्रममा उद्योग वाणिज्य संघ चितवनका उपाध्यक्ष ई भोजराज कौडेल, विद्यालयका प्राचार्य चिरञ्जिवी नेपाललगायतको उपस्थिति थियो ।
उक्त अवसरमा प्रबन्ध निर्देशक श्रेष्ठ र निमित्त कार्यवाहक अध्यक्ष लामालाई विद्यालयले मायाको चिनो र दोसल्ला ओढाई सम्मान गरेका थिए । एस एण्ड पी कम्पनीले यसअघि पनि विभिन्न सामाजिक काम गर्दै आएको छ ।