पत्रकार महासंघद्वारा स्व. नेपालका परिवारलाई आर्थिक सहयोग

चितवन / नेपाल पत्रकार महासंघ चितवन शाखाले स्वर्गीय पत्रकार द्वारिका नेपालका परिवारलाई ७५ हजार आर्थिक सहयोग प्रदान गरेको छ । चितवन शाखाले ५० हजार र नेपाल पत्रकार महासंघ केन्द्रले २५ हजार सहित ७५ हजार रुपैयाँ आर्थिक सहयोग प्रदान गरेको हो ।
नेपाल पत्रकार महासंघ चितवन शाखाका अध्यक्ष नारायण अधिकारीले स्वर्गीय पत्रकार नेपालको १३औँ पुण्यतिथिको अवसर पारेर शुक्रबार उनका भाइ शालिकराम नेपाललाई उक्त रकम हस्तान्तरण गरेका हुन् ।
चितवन शाखाले हालै बसेको बैठकबाट दिवंगत हुने आफ्ना सदस्यका परिवारलाई ५० हजार रुपैयाँ आर्थिक सहयोग गर्ने निर्णय गरेको छ । शाखाले महासंघका सदस्यहरुको ७ लाख रुपैयाँ बराबरको दुर्घटना विमा समेत गरेको छ । विमा सुविधा लिन नसक्ने अवस्थामा तत्कालै आर्थिक सहायता स्वरुप महासंघले सो रकम सहयोग गर्ने निर्णय गरेको हो ।
स्व. नेपाल दशैँको टिका लगाउन रौतहटको चन्द्रनिहापुर घर जाने क्रममा असोज २५ गते बाटोमा बेहोस भएका थिए । उनको मष्तिष्कघातका कारण असोज ३१ गते निधन भएको थियो ।