हेटौंडामा पिकअप भ्यान दुर्घटना

हेटौंडा / हेटौंडा–७ क्याम्पाडाँडा नजिक पिकअप भ्यान दुर्घटनामा परेको छ । दुर्घटनामा परेको भ्यान पल्टिँदा चालक सामान्य घाइते भएका छन् । चालक सिमरा घर भएका २८ बर्षीय समन गौतम हुन् ।
हेटौंडा–७ किरणचोकबाट क्याम्पाडाँडातर्फ आउँदै गरेको बा१८च ६१५२ नम्बर पिकअप भ्यान दुर्घटनाग्रस्त भएको हो ।
घाइते चालकले मापसे गरेको र भ्यान तिब्र गतिमा रहेको बताइएको छ । चालकलाई प्रहरीले नियन्त्रणमा लिएको छ भने घटनास्थलमा वडा प्रहरी प्रमुख प्रहरी निरीक्षक कृष्णप्रसाद बिष्ट पुगेको थियो ।