अमेरिकामा एकै दिन साढे पाँच लाखभन्दा बढीमा कोरोना संक्रमण

काठमाडौं / अमेरिकामा पछिल्लो २४ घण्टामा कोरोना भाइरसको संक्रमण सुरु भएदेखिकै सबैभन्दा धेरै संक्रमित भेटिएको बताइएको छ ।
अमेरिकी स्वास्थ्य क्षेत्रका अधिकारीका अनुसार पछिल्लो २४ घन्टायता मात्र कम्तीमा पनि ५ लाख ६५ हजार ९८७ जना संक्रमित भेटिएको जनाएका छन् ।
एकै दिनमा यहाँ यतिधेरै संक्रमित भेटिएको यो पहिलो घटना भएको स्वास्थ्य अधिकारीले जानकारी दिएका छन् । यसअघि पनि मंगलबार त्यहाँ ४ लाख ७८ हजारभन्दा बढीमा सङ्क्रमण भेटिएको बताइएको थियो ।
पछिल्लो २४ घण्टामा संक्रमणकै कारण त्यहाँ त्यस्तैगरी उनीहरुका अनुसार मङ्गलबार यहाँ कोरोनाका कारण १३ सय ५४ जनाको ज्यान गएको छ ।
अमेरिकामा हालसम्म साढे पाँच करोडभन्दा बढी संक्रमित भइसकेका छन् भने ८ लाख ४५ हजारभन्दा बढीले ज्यान गुमाइसकेका छन् ।