कोरोना संक्रमित संख्या बढ्दै, थपिए ५४० जना

काठमाडौं / नेपालमा पछिल्लो समय कोरोनाभाइरस संक्रमितको संख्या दिनानुदिन बढ्दै गएको छ । पछिल्लो २४ घण्टामा शुक्रबार थप ५४० जनामा कोरोना संक्रमण पुष्टि भएको स्वास्थ्यम मन्त्रालयले जनाएको छ । १२ हजार ९९ जनामा परीक्षण गर्दा सो संख्यामा ५४० जनामा संक्रमण देखिएको छ । ७ हजारको पीसीआर परीक्षणमा ४७८ जनामा कोभिड १९ पोजिटिभ देखिएको हो ।
यस्तै, मन्त्रालयका अनुसार ४ हजार ८९० जनामा एन्टिजेन परीक्षण गर्दा ६२ जनामा संक्रमण देखिएको छ । यस्तै २७१ जना डिस्चार्ज भएका छन् भने १ जनाको मृत्यु भएको छ ।
यससँगै देशभर कोरोना संक्रमितको कुल संख्या पीसीआर विधिबाट भएको परीक्षणमा ८ लाख ३० हजार ४८० र एन्टिजेन विधिबाट भएको परीक्षणमा ९६ हजार ४४५ जना पुगेको छ। संक्रमितमध्ये हालसम्म ८ लाख १३ हजार ४४७ जना निको भएका छन्। यस्तै हाल देशभर कोरोनाबाट ११ हजार ६०२ जनाको मृत्यु भएको छ।
हाल देशभर सक्रिय संक्रमितको संख्या ५ हजार ४३१ जना रहेका छन् । जसमध्ये ५ हजार ६९ जना होम आइसोलेसनमा रहेका छन् भने ३६२ जना संस्थागत आइसोलेसनमा रहेका छन् । कोरोनाका बिरामीमध्ये ७९ जना आईसीयू र १४ जना भेन्टिलेटरमा उपचाररत् छन् ।