चीनमा सञ्चालनमा आयो पानी मुनि निर्माण गरिएको सबैभन्दा लामो हाइवे

सीएनएन / चार वर्षको निर्माणपछि चीनको सबैभन्दा लामो ‘अन्डरवाटर हाइवे टनेल’ सार्वजानिक भएको छ । अहिले यो ट्राफिकका लागि खुला भइसकेको छ अर्थात सञ्चालनमा आएको बताइएको छ ।
१०.७९ किलोमिटर लामो यो अन्डरवाटर हाइवे चीनको जिआङसु प्रान्तको तैहु प्रान्तदेखि पूर्वी सांघाइको ५० किलोमिटरसम्म फैलिएको छ ।
जिआङसुका सरकारी अधिकारीहरुले बताए अनुसार यो टनेल बनाउन १.५६ अर्ब डलर खर्च भएको छ । यसको निर्माण २०१८ को जनवरीमा सुरु गरिएको थियो ।
यसमा टु–वे टनेलका लागि २० लाख क्युबिक मिटर कंक्रिटको प्रयोग गरिएको थियो । यसका ६ लेन रहेका छन् जुन १७.५ मिटर चौडा छन् ।
यति मात्र नभएर टनेलको सिलिङमा समेत सुन्दर रङ्गीचङ्गी एलइडी लाइट्सहरु राखिएको छ । यसले चालकलाई थकानबाट जोगाउने बताइएको छ । यो टनेल चीनको लामो समयदेखिको महत्वाकांक्षी परियोजना थियो ।