वार्षिकोत्सवमा देवघाटका बालबालिकालाई भोजन वितरण

चितवन / भरतपुर–११, मालपोतचोक स्थित स्टार्स मन्टेश्वरी एकेडमीले १२औं वार्षिकउत्सव मनाएको छ । वार्षिकोत्सवको अवसरमा एकेडेमीले देवघाटमा रहेको श्री रामजानकी बालिका आश्रमका बालिकाहरुलाई बिहानको खाना वितरण गरेको हो ।
एकेडेमीकी सञ्चालक जानकी खड्काले आश्रमका र मन्टेश्वरीमा आउने बालबालिकामा फरक पाएको बताउँदै सामाजिक र व्यावहारिक ज्ञान सिकाउन अझ जोड दिनुपर्ने बताइन् ।
‘जहाँबाट तपाईंका नानीबाबुको भविष्य निर्माणको पहिलो पाइला सुरु हुन्छ’ भन्ने मूल नाराकासाथ २०६७ सालदेखि एकेडेमी सञ्चालनमा आएको प्रबन्ध निर्देशक गणेश रानाले बताए । रानाले नयाँ भर्ना हुन आउनेहरुको संख्या बढ्दै सबैलाई भर्ना गर्न सक्ने गरी संरचना बनाउने योजना रहेको बताए ।
कार्यक्रममा मन्टेश्वरीमा रहेका सम्पूर्ण शिक्षक, शिक्षिकाहरु सामु आश्रमका बालिकाहरुले गीत तथा स्वस्तिवाचन गरेका थिए । मन्टेश्वरीमा हाल प्लेग्रुप, टोडलर, नर्सरीदेखि युकेजी सम्मका कक्षाहरु सञ्चालनमा छन् ।