क्यान्सर पीडित ‘आमा छोरी बचाऔ अभियान’ मा सहयोगको लागि अपील

चितवन / भरतपुर महानगरपालिका वडा न १५ निवासी शशिधर पौडेलले क्यान्सर पीडित श्रीमती र छोरीको लागि सहयोग गरी दिन अपील गरेको छ । विपन्न आर्थिक अवस्थाका कारण श्रीमती र छोरीको उपचारका लागि देश विदेशमा बस्नुहुने सम्पूर्णमा सहयोगको अपिल गरेको हो ।
विगत २ वर्षदेखि ५५ वर्षीय श्रीमती जालपादेवी पाध्य पौडेललाई स्तन क्यान्सर र पाठेघर क्यान्सर भएको छ । यस्तै उनकी छोरी ३१ वर्षीय लीला पौडेललाई ब्रेन ट्युमर भएकी छन् । उनी एकल महिला हुन् ।
आर्थिक अवस्था कमजोर भएकाले क्यान्सर पीडित परिवारको उपचार खर्च जुटाउन ‘आमा छोरी बचाऔ अभियान’ सुरु गरिएको छ । तरुण दल चितवनका प्रवक्ता हेमन्त बास्तोलाको संयोजकत्वमा उक्त अभियान सुरु गरिएको हो ।
उक्त अभियानको सदस्यमा पीडितका बुबा शशिधर पौडेल, छोरा नवीन पौडेल, नेपाली कांग्रेसका पूर्व नगर सभापति भरत अधिकारी, मनोज थापा, सुरेन्द्र श्रेष्ठ, र छवि शर्मा रहेको सूचना प्रवक्ता अनिल बानियाँले जानकारी दिए ।
सहयोगका लागि बुबा शशिधर पौडेलको खाना ग्लोबल आइएमइ बैंकमा खोलिएको र खाता नम्बर ४५०८०१०००००८६ वा इ–सेवा आइडी ९८४७६३५२७६ मार्फत रकम पठाउन सकिनेछ । सम्पर्कका लागि निम्न नं. ९८४७६३५२७६ (शशिधर पौडेल), ९८५५०१५५४५ (नवीन पौडेल) को नम्बर रहेका छन् ।