बसको ठक्करबाट अटो चालकको मृत्यु

मकवानपुर / पूर्वपश्चिम राजमार्ग अन्तर्गत हेटौंडा उपमहानगरपालिका वडा नम्वर १५ स्थित सडकखण्डमा हेटौंडामा बसको ठक्करबाट एक अटो चालकको मृत्यु भएको छ ।
आज बिहान २ बजे हेटौंडाबाट पतलैया जाँदै गरेको प्रदेश २–०३–००१ ख ०२४२ नम्बरको बसले विपरित दिशाबाट आउँदै गरेको ना २ अ ६४ नम्बरको अटोलाई ठक्कर दिँदा बाराको रतनपुर घर भएका २६ वर्षीय मिलन सुनारको मृत्यु भएको प्रहरीले जनाएको छ ।
ठक्करबाट गम्भिर घाईते भएका सुनारको हेटौंडाको चुरेहिल अस्पतालमा उपचारको क्रममा मृत्यु भएको प्रहरीले जनाएको छ ।
यसैगगरी अटोमा सवार हेटौंडा–१२ का ३५ वर्षीय सुवास सुनार घाईते भएको र उनको उपचार भईरहेको छ । अटोलाई ठक्कर दिने बस चालक प्रहरी नियन्त्रणमा रहेको जिल्ला प्रहरी कार्यालय मकवानपुरले जनाएको छ ।