नारायणगढ–बुटवल सडक खण्ड अवरुद्ध, बाढीले डाइभर्सन बगायो

नवलपुर / पूर्व–पश्चिम राजमार्गअन्तर्गत नारायणगढ–बुटवल खण्ड अवरुद्ध भएको छ । पुल बनाउने क्रममा बनाइएको डाइभर्सन बाढीले बगाएपछि उक्त सडक खण्ड अवरुद्ध भएको जिल्ला प्रहरी कार्यालयले जनाएको छ ।
नवलपुरको मध्यविन्दु नगरपालिका र विनयी त्रिवेणी गाउँपालिकाको सीमाक्षेत्रमा पर्ने पुल निर्माणको क्रममा बनाइएका तीन वटा डाईभर्सन बाढीले बगाएको हो । लगातारको वर्षाले खहरेखोलामा ठूलो बाढी आएको छ ।
उक्त सडक खण्ड बिहानैदेखि अवरुद्धका कारण पश्चिमतर्फ जाने र आउने यात्रुहरु अलपत्र परेका छन् । बाटो खुलाउनका लागि केही समय लाग्ने नवलपुरका प्रहरी निरीक्षक जयराम पन्तले जानकारी दिए ।