माडी स्तरीय सीतेरीयो करातेको ग्रेडबृद्धि

चितवन / माडीमा सीतेरीयो करातेको ग्रेडबृद्धि आयोजना गरिएको छ । सीतेरीयो कराते संघ माडी र श्री दिव्य कालिका बोर्डिङ स्कुल कल्याणपुरको आयोजनामा माडीस्तरीय सीतेरीयो करातेको ग्रेडबृद्धि आयोजना गरिएको हो ।
माडी नगरपालिकाका प्रमुख तथा कार्यक्रमका प्रमुख अतिथि ताराकाजी महतोले नगरपालिकाले विभिन्न बिधामा प्रशिक्षकहरुको ब्यवस्था गरिने बताइन् । प्रमुख महतोले शिक्षा तथा खेलकुदको विकासका लागि नगरपालिकाले विगतदेखि सहयोग गर्दै आएको र आगामी दिनमा पनि गर्दै जाने आश्वासन दिइन् ।
ग्रेडबृद्धि कार्यक्रममा ३७ जना खेलाडीहरुको सहभागिता रहेको थियो । जसअन्तर्गत १७ जनाले ह्वाईट तथा २० जनाले ओरेन्जको लागि आफ्नो क्षमता प्रस्तुत गरेका थिए ।
सितेरीयो कराते संघ चितवनका अध्यक्ष गगन लामाको अध्यक्षतामा सम्पन्न कार्यक्रमको सञ्चालन सबिन कोइरालाले गर्नु भएको थियो ।