चितवन / नेपाल आदिवासी जनजाति पत्रकार महासंघ (फोनिज) चितवनका कोषाध्यक्ष कमलमान श्रेष्ठलाई विदाई गरिएको छ । नेपाल प्रेस युनियन चितवनले श्रेष्ठलाई बैदेशिक रोजगारीका लागि जापान लागेकोमा मंगलबार बिदाई गरेको हो ।
यसैबीच नवनिर्वाचित केन्द्रीय सदस्य अर्जुन अधिकारीलाई सम्मान गरिएको छ । हालै सम्पन्न नेपाल प्रेस युनियनको अधिकारी केन्द्रीय सदस्यमा चयन भएको हो । उनीहरुलाई दुबैलाई नेपाल पत्रकार महासंघका केन्दीय सचिव सिर्जना अर्याल र जिल्लाका अध्यक्ष नारायण अधिकारीले संयुक्त रुपमा विदाई तथा सम्मान गरेका थिए ।
सो अवसरमा बोल्दै श्रेष्ठले युनियनको माया र सद्भाव प्रति आभार व्यक्त गरे । उनले पत्रकारिता क्षेत्रमा युनियनलाई बलियो बनाउन सहयोग रहने बताए । यस्तै अधिकारीले पत्रकारहरुको हकहितमा काम गर्न संगठन तयार रहेको बताए । पत्रकारिता क्षेत्रलाई मर्यादित बनाउन प्रेस युनियन लागिपर्ने उनको भनाइ थियो ।
कार्यक्रममा वक्ताहरुले पत्रकारिता क्षेत्रको विकासमा युनियनले योगदान गर्नुपर्ने बताए । महासंघका केन्द्रीय सचिब अर्यालले पत्रकारिता क्षेत्रको विकासमा सबै मिलेर लाग्नुपर्ने बताए ।
कार्यक्रममा नेपाल पत्रकार महासंघ चितवन शाखाका अध्यक्ष नारायण अधिकारी, नेपाल प्रेस युनियन चितवनका उपाध्यक्ष सूर्य अधिकारी, सचिव प्रस्ताव सुवेदी लगायतले मन्तव्य दिएका थिए ।
नेपाल प्रेस युनियन चितवन शाखाका अध्यक्ष अनिल ढकालको अध्यक्षतामा सम्पन्न भएको थियो ।
- ADVERTISEMENT -
