पहिरो र खोलाले बगाउँदा दुईको मृत्यु

मकवानपुर / पहिरोले पुरिएर र खोलाले बगाएर दुई जनाको मृत्यु भएको छ । मकवानपुरको राक्सिराङ गाउँपालिका–६ मागेनीमा पहिरोले पुरिँदा एक जनाको मृत्यु भएको इलाका प्रहरी कार्यालय मनहरीले जनाएको छ ।
प्रहरीका अनुसार मृत्यु हुनेमा ४७ वर्षीय तोकबहादुर चेपाङ हो । लगातार परेको वर्षासँगै आएको पहिरोले घर बगाउँदा प्रजाको मृत्यु भएको हो । वर्षाका कारण सडक अवरुद्ध भएकोले घटनास्थालमा पुग्न नसकिएको र उद्धारमा समस्या भएको प्रहरीले जनाएको छ ।
त्यस्तै मकवानपुरको कैलाश गाउँपालिका–३ मा कालिखोलाले बगाउँदा एक जनाको मृत्यु भएको छ । मृत्यु हुनेमा स्थानीय ६५ वर्षका दलबहादुर चेपाङ रहेका छन् । कालिका बजारबाट सामान किनेर घर फर्कने क्रममा खोलाले बगाएर उनको मृत्यु भएको बागमती प्रदेश प्रहरी कार्यालय हेटौँडाले जनाएको छ ।