नगरस्तरीय हिज्जे प्रतियोगितामा ओम शान्ति प्रथम

रत्ननगर / सरस्वती केन्द्र नेपालले आयोजना गरेको नगरस्तरीय आधारभूत विद्यालय हिज्जे प्रतियोगितामा ओम शान्ति राष्ट्रिय आधारभूत विद्यालय निपनी प्रथम भएको छ । पञ्चकन्या माध्यमिक विद्यालय जिरौना द्वितीय र बैरिया माध्यमिक विद्यालय बैरिया तृतीय भएका छन्। यस्तै पञ्चतेज आधारभूत विद्यालयले सान्त्वना स्थान हासिल गरेको छ ।
पञ्चदीप आधारभूत विद्यालय परिसरमा भएको कार्यक्रममा १३ वटा विद्यालयले सहभागीता जनाएका थिए। विद्यार्थीहरूमा भएका अन्तरनिहीत प्रतिभा प्रस्फुटनको लागि पनि कार्यक्रम आयोजना गरिएको सरस्वती केन्द्र नेपालका अध्यक्ष डा वसन्त अधिकारीले जानकारी दिए । कार्यक्रममा सरस्वती केन्द्र नेपाललाई सहयोग गर्ने विभिन्न व्यक्तित्वहरूलाई सम्मानसमेत गरेको थियो ।